ਚੰਡੀਗੜ੍ਹ, 28 ਜੂਨ 2024: ਦ/ਨਜ ਇੰਸਟੀਚਿਊਟ ਅਤੇ ਪੰਜਾਬ ਸਰਕਾਰ ਨੂੰ ਇੰਡੀਅਨ ਐਡਮਿਨਿਸਟ੍ਰੇਟਿਵ ਫੋਲੋਸ਼ਿਪ (ਆਈ.ਏ.ਐੱਫ) ਪੰਜਾਬ ਕੋਹਾਰਟ ਦੇ ਗ੍ਰੇਜੂਏਸ਼ਨ ਅਤੇ ਸਮਾਪਤੀ ਦੀ ਐਲਾਨ ਕਰਦੇ ਹੋਏ ਮਾਣ ਹੋ ਰਿਹਾ ਹੈ ਜਿਸਨੂੰ ਜ਼ੀ ਐਂਟਰਟੇਨਮੈਂਟ ਐਂਟਰਪ੍ਰਾਈਜ਼ਿਜ਼ ਲਿਮਟਿਡ (ZEE) ਦੁਆਰਾ ਸਮਰਥਨ ਮਿਲਿਆ ਸ਼੍ਰੀ ਸੁਬੋਧ ਚੰਦ ਅਗਰਵਾਲ ਆਈ.ਏ.ਐਸ ਪੂਰਵ ਮੁੱਖ ਸਕੱਤਰ ਪੰਜਾਬ ਸਰਕਾਰ ਨੇ 27 ਜੂਨ 2024 ਨੂੰ ਤਾਜ ਚੰਡੀਗੜ੍ਹ ਵਿੱਚ ਸ਼੍ਰੀ ਵਿਜੇ ਕੁਮਾਰ ਸਿੰਘ ਆਈ.ਏ.ਐਸ ਪੰਜਾਬ ਦੇ ਮੁੱਖਮੰਤਰੀ ਦੇ ਵਿਸ਼ੇਸ਼ ਮੁੱਖ ਸਕੱਤਰ ਅਤੇ ਸ਼੍ਰੀ ਤੇਜਵੀਰ ਸਿੰਘ ਆਈ.ਏ.ਐਸ ਬਿਜਲੀ ਵਿਭਾਗ ਦੇ ਵਧੀਕ ਮੁੱਖ ਸਕੱਤਰ ਦੀ ਮੌਜੂਦਗੀ ਵਿੱਚ ਵੱਖ-ਵੱਖ ਆਈ.ਏ.ਐਫ ਫੈਲੋ ਨੂੰ ਸਨਮਾਨਿਤ ਕੀਤਾ।
ਪੰਜਾਬ ਦਾ ਹਰੀ ਕ੍ਰਾਂਤੀ ਸਮੇਤ ਮੋਹਰੀ ਪਹਿਲਕਦਮੀਆਂ ਦਾ ਮਾਣਮੱਤਾ ਇਤਿਹਾਸ ਹੈ। ਪੰਜਾਬ ਸਰਕਾਰ ਨੇ ਨਵੀਨਤਾ ਅਤੇ ਪ੍ਰਤਿਭਾ ’ਤੇ ਜ਼ੋਰ ਦਿੰਦੇ ਹੋਏ, 916 ਪ੍ਰੋਗਰਾਮ ਸ਼ੁਰੂ ਕਰਨ ਲਈ The/Naj Institute ਅਤੇ ZEE ਨਾਲ ਸਾਂਝੇਦਾਰੀ ਕੀਤੀ। ਇਹ ਵਿਲੱਖਣ ਪ੍ਰੋਗਰਾਮ ਨਿੱਜੀ ਖੇਤਰ ਦੀ ਸੀਨੀਅਰ ਲੀਡਰਸ਼ਿਪ ਨੂੰ ਦੂਰਦਰਸ਼ੀ ਨੌਕਰਸ਼ਾਹਾਂ ਦੇ ਨਾਲ ਕੰਮ ਕਰਨ ਲਈ ਇੱਕ ਪਲੇਟਫਾਰਮ ਪ੍ਰਦਾਨ ਕਰਦਾ ਹੈ, ਜਿਸ ਨਾਲ ਸਰਕਾਰੀ ਪ੍ਰੋਗਰਾਮਾਂ ਦੀ ਤਕਨਾਲੋਜੀ-ਅਧਾਰਿਤ ਤਬਦੀਲੀ ਨੂੰ ਤੇਜ਼ ਕੀਤਾ ਜਾਂਦਾ ਹੈ। ਗਰੁੱਪ ਨੇ ਹੁਣ ਆਪਣਾ 18 ਮਹੀਨਿਆਂ ਦਾ ਕਾਰਜਕਾਲ ਪੂਰਾ ਕਰ ਲਿਆ ਹੈ ਅਤੇ ਆਪੋ-ਆਪਣੇ ਵਿਭਾਗਾਂ ਵਿੱਚ ਮਹੱਤਵਪੂਰਨ ਯੋਗਦਾਨ ਪਾਇਆ ਹੈ।
ਸਮਾਪਤੀ ਸਮਾਰੋਹ ਵਿੱਚ ਸਾਬਕਾ ਮੁੱਖ ਸਕੱਤਰ, ਵੱਖ-ਵੱਖ ਵਿਭਾਗਾਂ ਦੇ ਹੋਰ ਸੀਨੀਅਰ ਅਧਿਕਾਰੀਆਂ, ਸਿਵਲ ਸੋਸਾਇਟੀ ਦੇ ਭਾਈਵਾਲਾਂ ਅਤੇ ਦ/ਨਾਜ ਇੰਸਟੀਚਿਊਟ ਦੀ ਲੀਡਰਸ਼ਿਪ ਟੀਮ ਨੇ ਸ਼ਿਰਕਤ ਕੀਤੀ। ਫੈਲੋ, ਔਸਤਨ 22 ਸਾਲਾਂ ਦੇ ਵਿਸ਼ਿਸ਼ਟ ਕਰੀਅਰ ਦੇ ਨਾਲ, ਮੁੱਖ ਵਿਭਾਗੀ ਤਰਜੀਹਾਂ ਅਤੇ ਪ੍ਰੋਜੈਕਟਾਂ ’ਤੇ ਕੰਮ ਕੀਤਾ ਹੈ, ਆਪਣੇ ਕੰਮ ਵਿੱਚ ਵਿਚਾਰਾਂ, ਨਵੀਨਤਾ, ਕੁਸ਼ਲਤਾ ਅਤੇ ਤਕਨਾਲੋਜੀ ਨੂੰ ਸ਼ਾਮਲ ਕਰਦੇ ਹੋਏ। ਪ੍ਰੋਗਰਾਮ ਦਾ ਸੰਚਾਲਨ ਪੰਜਾਬ ਸਰਕਾਰ ਦੇ ਪ੍ਰਸ਼ਾਸਕੀ ਸੁਧਾਰ ਵਿਭਾਗ ਦੁਆਰਾ ਕੀਤਾ ਗਿਆ ਸੀ, ਜਿਸ ਵਿੱਚ 9 ਵਿਭਾਗਾਂ ਵਿੱਚ ਕੰਮ ਕਰ ਰਹੇ ਯੇਫੇਲੋਸ ਸਨ।
ਪੰਜਾਬ ਦੇ ਮਾਣਯੋਗ ਮੁੱਖ ਮੰਤਰੀ, ਸ਼੍ਰੀ ਭਗਵੰਤ ਮਾਨ ਨੇ ਆਪਣੇ ਕਾਰਜਕਾਲ ਦੇ ਸਫਲਤਾਪੂਰਵਕ ਸੰਪੂਰਨ ਹੋਣ ’ਤੇ ਸਮੂਹ ਨੂੰ ਵਧਾਈ ਦਿੰਦੇ ਹੋਏ ਕਿਹਾ, “ਪੰਜਾਬ ਸਰਕਾਰ ਨੇ ਸੀਨੀਅਰ ਕਾਰਪੋਰੇਟ ਪੇਸ਼ੇਵਰਾਂ ਨਾਲ ਉਹਨਾਂ ਦੀ ਨਵੀਨਤਾਕਾਰੀ ਭਾਵਨਾ ਅਤੇ ਪੇਸ਼ੇਵਰ ਮੁਹਾਰਤ ਦਾ ਲਾਭ ਉਠਾਉਣ ਲਈ ਇਸ ਸਾਂਝੇਦਾਰੀ ਦੀ ਸ਼ੁਰੂਆਤ ਕੀਤੀ ਹੈ। ਅਸੀਂ ਮਿਲ ਕੇ ਸੂਬੇ ਦੇ ਲੋਕਾਂ ਦੀ ਭਲਾਈ ਲਈ ਵਿਕਾਸ ਦੀ ਕਹਾਣੀ ਨੂੰ ਬਦਲ ਰਹੇ ਹਾਂ। ਮੈਂ ਸਾਰੇ ਫੈਲੋਜ਼ ਨੂੰ ਉਨ੍ਹਾਂ ਦੀ ਫੈਲੋਸ਼ਿਪ ਦੌਰਾਨ ਉਨ੍ਹਾਂ ਦੇ ਸਮਰਪਣ ਅਤੇ ਮਹੱਤਵਪੂਰਨ ਯੋਗਦਾਨ ਲਈ ਦਿਲੋਂ ਵਧਾਈ ਦਿੰਦਾ ਹਾਂ। ‘‘ਮੈਨੂੰ ਭਰੋਸਾ ਹੈ ਕਿ ਉਨ੍ਹਾਂ ਦੇ ਯਤਨਾਂ ਨੇ ਇੱਕ ਸਥਾਈ ਪ੍ਰਭਾਵ ਪਾਇਆ।”
ਵਿਕਾਸ ਨੂੰ ਚਲਾਉਣ ਵਿੱਚ ਸਰਕਾਰ ਦੁਆਰਾ ਨਿਭਾਈ ਗਈ ਮਹੱਤਵਪੂਰਨ ਭੂਮਿਕਾ ਬਾਰੇ ਬੋਲਦੇ ਹੋਏ, ਸ਼੍ਰੀਮਤੀ ਸੁਭਾਸ਼੍ਰੀ ਦੱਤਾ, ਮੈਨੇਜਿੰਗ ਪਾਰਟਨਰ, ਸੈਂਟਰ ਫਾਰ ਸੋਸ਼ਲ ਐਂਟਰਪ੍ਰਾਈਜ਼ਿਜ਼, ਦ/ਨਾਜ ਇੰਸਟੀਚਿਊਟ, ਨੇ ਕਿਹਾ, “ਰਾਜ ਵਿਭਾਗਾਂ ਅਤੇ ਹੁਣ ਕੇਂਦਰ ਸਰਕਾਰ ਦੇ ਮੰਤਰਾਲਿਆਂ ਨਾਲ ਕੰਮ ਕਰਕੇ ਇਸ ਯਾਤਰਾ ਨੇ ਸਾਨੂੰ ਯਕੀਨ ਦਿਵਾਇਆ ਹੈ ਕਿ ਜੇਕਰ ਨਿੱਜੀ ਖੇਤਰ ਦੇ ਪੇਸ਼ੇਵਰ ਸਾਰੇ ਪੱਧਰਾਂ ’ਤੇ ਸਰਕਾਰਾਂ ਵਿੱਚ ਯੋਗਦਾਨ ਪਾਉਂਦੇ ਹਨ, ਅਸੀਂ ਭਵਿੱਖ ਵਿੱਚ ਨਿੱਜੀ ਅਤੇ ਜਨਤਕ ਖੇਤਰਾਂ ਦੀ ਪ੍ਰਤਿਭਾ, ਤਜਰਬੇ ਅਤੇ ਮੁਹਾਰਤ ਨੂੰ ਇਕੱਠਾ ਕਰਕੇ ਕੰਮ ਕਰਨਾ ਜਾਰੀ ਰੱਖਣ ਲਈ ਉਤਸ਼ਾਹਿਤ ਹੋਵਾਂਗੇ , ਅਸੀਂ ਦੇਸ਼ ਲਈ ਇੱਕ ਕਿਫਾਇਤੀ ਆਜੀਵਿਕਾ ਈਕੋਸਿਸਟਮ ਬਣਾਉਣ ਲਈ ਵਚਨਬੱਧ ਹਾਂ।”
ਸਮੂਹਿਕ ਤੌਰ ’ਤੇ, ਇਸ ਸਮੂਹ ਨੇ 200 ਕਰੋੜ ਰੁਪਏ ਤੋਂ ਵੱਧ ਜਨਤਕ ਫੰਡਾਂ ਨੂੰ ਪ੍ਰਭਾਵਿਤ ਕੀਤਾ, ਜਿਸ ਦੇ ਪ੍ਰੋਜੈਕਟਾਂ ਵਿੱਚ ਪੰਜਾਬ ਦੇ ਲਗਭਗ 2.5 ਕਰੋੜ ਨਾਗਰਿਕਾਂ ਨੂੰ ਸਕਾਰਾਤਮਕ ਤੌਰ ’ਤੇ ਪ੍ਰਭਾਵਤ ਕਰਨ ਦੀ ਸਮਰੱਥਾ ਹੈ। ਉਨ੍ਹਾਂ ਦਾ ਯੋਗਦਾਨ ਸਿੱਖਣ ਦੇ ਨਤੀਜਿਆਂ ਨੂੰ ਬਿਹਤਰ ਬਣਾਉਣ, ਰੁਜ਼ਗਾਰ ਸਿਰਜਣ ਅਤੇ ਰਾਜ ਵਿੱਚ ਮਾਲੀਏ ਦੇ ਮੌਕਿਆਂ ਨੂੰ ਖੋਲ੍ਹਣ ਵਿੱਚ ਮਦਦ ਕਰੇਗਾ।